اسلام آباد(مانیٹرنگ ڈیسک) جوں جوں عام انتخابات قریب آرہے ہیں ،انتخابی سرگرمیاں بڑھتی جارہی ہیں ۔الیکشن سے پہلے بڑا مسئلہ نگران وزیر اعظم کا ہے ،جیو نیوز کے مطابق باخبر ذرائع نے دعویٰ کیا ہے کہ نگراں وزیراعظم کی تلاش شروع کردی گئی ہے اور ایک اہم شخصیت نے جسٹس (ر) وجیہہ الدین سے رابطہ کیا ہے اوران سے نگراں
وزیراعظم کا عہدہ قبول کرنے سے انکار نہ کرنے کی درخواست کی ہے۔ذرائع کے مطابق جسٹس (ر) وجیہہ الدین نے فی الحال کوئی وعدہ نہیں کیا، تاہم ابھی تک یہ واضح نہیں ہوسکا کہ اس تلاش کے پیچھے کون ہے؟لیکن یہ پیشرفت ٹھیک اسی وقت ہو رہی ہے جب کچھ لوگوں کی جانب سے قبل از وقت الیکشن کا مطالبہ کیا جارہا ہے جبکہ یہ پیشگوئی بھی کی جارہی ہے کہ مارچ 2018ء میں سینٹ کے انتخابات سے قبل موجودہ حکومت گھر چلی جائے گی۔دوسری صورت میں اگر حکومت نے اپنی مدت مکمل کی تو نگران حکومت آئندہ سال جولائی تک انتظامات سنبھال لے گی تاکہ اگست 2018 تک عام انتخابات کرائے جا سکیں۔یاد رہے کہ معروف قانون دان جسٹس (ر) وجیہہ الدین پاکستان تحریک انصاف کے الیکشن ٹریبونل کے سربراہ بھی رہ چکے ہیں۔
The post نگران وزیر اعظم کی تلاش شروع،پہلی ہی نظر کس مشہور شخصیت پر پڑی،نام جان کر آپ دنگ رہ جائینگے appeared first on JavedCh.Com.
from JavedCh.Com http://ift.tt/2hYjkwX
Comments
Post a Comment